నోటీసుల రచ్చ +సెలబ్రిటీలతో సల్ఫీల పిచ్చ = తెలుగుసంఘాలు.. 

selfies with celebrities

ఏమండోయ్.. ఇది విన్నారా! మన అమెరికా తెలుగు సంఘాలు మరింత మసాలా కోసం సినిమా కబుర్లతో కాలక్షేపం చేయక్కర్లేదు. ఈ సంఘాల్లో ఉన్న అంతర్గత డ్రామాలు చాలు. ప్రస్తుతం ఓ తెలుగు సంఘం అధ్యక్షుడు లీగల్ నోటీసులు పంపించి కొత్త చరిత్ర సృష్టించారు. ఇంతకీ నోటీసులు ఎవరికి అని డౌట్ వస్తోందా? వేరేవరికో అయితే, అది చరిత్ర ఎందుకవుతుంది? తమ సంఘంలోని బోర్డు మెంబర్లకే నోటీసులు పంపించారాయన. 

సరే, ఈ సంఘాలకు అసలు పని ఏమిటా అని ఆలోచిస్తునారా? వీళ్ళు చెప్పేది..  తెలుగు భాషను కాపాడటం, సంస్కృతి జాగృతి చేసుకోవడం అని . ఇవన్నీ వారి కథలలో మాత్రమే. అసలు పని వేరే లెవల్. వీరికి ఇక్కడ అసలు పని సెలబ్రిటీలతో సెల్ఫీలు దొరికితే చాలు.. పబ్లిసిటీతో స్టేటస్ పెంచుకోవచ్చు.  సెలబ్రిటీలు వచ్చే ఈవెంట్స్‌లో హంగామా చేసే ఈ నాయకులు, మొదటగా స్టేజీ ఎక్కాలన్న ఆరాటంలో రివర్స్ ర్యాలీలు తీస్తుంటారు. ఎందుకంటే ఫోటోలో ‘ఫస్ట్ ఫేస్’ కనబడాలి కాబట్టి! 

అయితే ఇప్పుడు ఈ లీగల్ నోటీసుల నాటకం ఏమిటి? అంటారా? అక్కడికే వస్తున్నాం.  అసలు సంఘాలు చేసే పనేమైనా ఉందా? అనుకోకండి, పని ఉంది! అధికారంలో ఉండాలి, అది ఎవరి దగ్గర ఉంటే వారి బాబు చెయ్యి కట్టుకుని స్టేజ్ మీద నిలబడాలన్నది తెలుగు సంఘాల మహావ్యాపారం. అందులోనూ ఒక్కోసారి అధ్యక్షులుగా ఉండటమే కాకుండా, తెలుగు ఫ్యామిలీ గౌరవం కాపాడుకోవడం అంటే, సెలబ్రిటీలతో కనీసం రెండు మూడు సెల్ఫీలు తీసుకోవడం మస్ట్. అదే వాట్సాప్ ఫ్యామిలీ గ్రూపుల్లో పెట్టాలి.  మరి ఈ చరిత్ర మరిచిపోకూడదు కదా!

ఇప్పుడు నోటీసులు పంపించడమే కొత్త గేమ్. “ఓ మై గాడ్! నాపై ఇంత పెద్ద నోటీసా!” అని దిగ్భ్రాంతి వ్యక్తం చేయడంలో తెలుగు సభ్యులు ఫుల్ లెవల్లో ఉంటారు. ఆరునెలల సీరియల్‌ను మించిన ఈ పంచాయితీ, రచ్చ – కానీ దీనితో తెలుగు సంస్కృతికి ఏమి లాభం? ఏమి కాదు! అసలు సంఘాల ఉద్దేశ్యమే మర్చిపోయి, కుర్చీలు పట్టుకోవడం, స్టేజీ మీద ఎవరు ఎక్కాలి అనే గొడవలతోనే ఈ కష్టాలు అన్నీ. 

సెలబ్రిటీలతో ఫోటోలు దొరికితే ఇక అంతే! “మా వాళ్లను జూనియర్ ఎన్‌టీఆర్ అనుకుంటారు, స్టేజ్ మీద రామానాయుడు గారికి పక్కన నిల్చున్నట్టు ఫీలవుతారు” అని తెగ హడావిడి చేస్తారు. అసలు తెలుగు కమ్యూనిటీ ఉండడానికి వచ్చినదే ఈ సెలబ్రిటీ ఫోటో ఆప్షన్ కోసం కాబోలు!

మొత్తానికి, ఇక్కడ ఫోటో దొరకడం ముఖ్యం, ఫోటోల్లో టాప్ పొజిషన్ కనపడితేనే ‘మా ఫ్యామిలీ గౌరవం’ దొరుకుతుంది అనుకునే రోజులు ప్రస్తుతం ఉన్నాయి. తెలుగు సంఘాలు, సంస్కృతి ఈ పదాలను వీరు ఎక్కడ ఎప్పుడు మర్చిపోయారో  ఆ దేవుడికే తెలుసు!”

Please follow and like us:

Leave a Reply

Your email address will not be published. Required fields are marked *

You cannot copy content of this page